ဒေလီ၊ ဒီဇင်ဘာ-၂၇-၂၀၂၄
မျိုးဆက်(VOM)
အိန္ဒိယရဲ့ သက်တမ်းရှည် ဝန်ကြီးချုပ်ဟောင်း မန်မိုဟန်ဆင်းအသက် ၉၂ အရွယ် ဒီဇင်ဘာ ၂၆ ရက်မှာ ကွယ်လွန်သွားကြောင်း တာဝန်ရှိသူတွေနဲ့ မိသားစုက ပြောပါတယ်။
သူဟာ ၂၀၀၄ ခုနှစ်မှ ၂၀၂၄ ခုနှစ်ထိ ဝန်ကြီးချုပ်တာဝန်ထမ်းဆောင်စဉ်အတွင်း အိန္ဒိယရဲ့ စီးပွားရေး ပြုပြင်ပြောင်းလဲမှုတွေနဲ့ တိုးတက်မှုတွေအတွက် အဓိကဗိသုကာအဖြစ် သတ်မှတ်ခံခဲ့ရသူဖြစ်ပါတယ်။
ဝန်ကြီးချုပ်ဟောင်းဟာ ကျန်းမာရေးအခြေအနေ ဆိုးရွားလာပြီးနောက် မြို့တော်ဒေလီရှိ ဆေးရုံမှာ ကုသမှုခံယူခဲ့ရတယ်လို့ သတင်းဌာနတွေက ဆိုပါတယ်။ သူဟာ အိနိ္ဒိယရဲ့ အထူးခြားဆုံးခေါင်းဆောင်များထဲမှ တယောက်ဖြစ်ပြီးကွယ်လွန်သွားခြင်းအတွက် လွန်စွာ ဝမ်းနည်းကြောင်း ဝန်ကြီးချုပ်မိုဒီက ပြောပါတယ်။
သူ့ရဲ့ ဉာဏ်ပညာနဲ့ နှိမ့်ချမှုကို အမြဲမြင်တွေ့ခဲ့ရပြီး ဝန်ကြီးချုပ်အဖြစ် တာဝန်ယူစဉ်အတွင်း မန်မိုဟန်ဆင်းဟာ အိန္ဒိယပြည်သူတွေရဲ့ တိုးတက်ရေးအတွက် ကျယ်ကျယ်ပြန့်ပြန့် ကြိုးပမ်းခဲ့တယ်လို့ မိုဒီကပြောပါတယ်။ မန်မိုဟန်ဆင်းကို ၁၉၃၂ ခုနှစ် စက်တင်ဘာ ၂၆ ရက်တွင် အိန္ဒိယနိုင်ငံ ပန်ဂျပ်ပြည်နယ်မှာ မွေးဖွားခဲ့ပါတယ်။
ငယ်စဉ်က ဆင်းရဲချို့တဲ့မှုကြောင့် ဖယောင်းတိုင်မီးနဲ့ စာကျက်ခဲ့ရတဲ့ မန်မိုဟန်ဆင်းဟာ နောက်ပိုင်းမှာတော့ အောက်စဖို့ဒ်တ္ကသိုလ်ဘွဲ့ရတယောင်ဖြစ်လာပါတယ်။ သူဟာ နေရူးနောက်ပိုင်း ပထမဆုံးဝန်ကြီးချုပ် သက်တမ်း ထမ်းဆောင်ပြီးနောက် နောက်တကြိမ်ပြန်လည်ရွေးချယ်ခံရတဲ့ အိန္ဒိယခေါင်းဆောင်ဖြစ်ကာ ဝန်ကြီးချုပ်ရာထူး ရယူခဲ့တဲ့ ပထမဆုံး ဆစ်ခ်လူမျိုးလည်းဖြစ်ပါတယ်။
ဒါပေမယ့် သူ့ရဲ့ ဒုတိယသက်တမ်းမှာ အစိုးရအဖွဲ့အတွင်း အကျင့်ပျက်ချစားမှုတွေ ဖြစ်ပွားခဲ့ပြီး ဒီအကျင့်ပျက်ချစားမှုတွေဟာ ၂၀၁၄ အထွေထွေရွေးကောက်ပွဲမှာ ကွန်ဂရက်ပါတီ အပြတ်အသတ်ရှုံးနိမ့်မှုအတွက် တစိတ်တပိုင်း တာဝန်ရှိတယ်လို့ လူအများအပြားက ဆိုကြပါတယ်။
Ref:BBC
Photo:Getty Images
Related posts
-
ထရန့်-ပူတင် ထိပ်သီးဆွေးနွေးပွဲ ဆော်ဒီနဲ့ ယူအေအီးမှာ ပြုလုပ်ဖွယ်ရှိ
မော်စကို၊ ဖေဖော်ဝါရီ-၄-၂၀၂၅ မျိုးဆက်(VOM) အမေရိကန်သမ္မတ ဒေါ်နယ်ထရန့်နဲ့ ရုရှားသမ္မတပူတင်တို့အကြား ထိပ်သီးဆွေးနွေးပွဲကို ဆော်ဒီအာရေဗျနဲ့ ယူအေအီးတို့မှာ... -
နိုင်ငံတကာအကူအညီပေးရေးအေဂျင်စီ (USAID) ကို ပိတ်ဖို့လုပ်နေတယ်လို့ အီလွန်မတ်ပြော
ဝါရှင်တန်၊ ဖေဖော်ဝါရီ-၄-၂၀၂၅ မျိုးဆက်(VOM) အမေရိကန် နိုင်ငံတကာအကူအညီပေးရေး အေဂျင်စီ(USAID) ကို ပိတ်ပစ်ဖို့ လုပ်ဆောင်နေတယ်လို့... -
ကနေဒါနဲ့ မက္ကဆီကိုတို့အပေါ် အမေရိကန်ရဲ့ အခွန်ကောက်ခံမှု ရက် ၃၀ ဆိုင်းငံ့ပေး
ဝါရှင်တန်၊ ဖေဖော်ဝါရီ-၄-၂၀၂၅ ရတီ(VOM) အမေရိကန်သမ္မတ ဒေါ်နယ်ထရန့်ဟာ အိမ်နီးချင်းနှစ်နိုင်ငံနဲ့ နယ်စပ်လုံခြုံရေး၊ ရာဇဝတ်မှုတိုက်ဖျက်ရေးတွေနဲ့ပတ်သက်ပြီး လိုလျောညီထွေ...